ЦХИНВАЛ, 19 сен - Sputnik. Наркотиктæм хъусдарды фæдыл фæткдаруаты кусджытæ Мидхъуыддæгты министрады (МХМ) сæрмагонд нысаниуæджы къорды хæстонтимæ иумæ æрцахстой Цхинвалы 43-аздзыд цæрæджы гæн зайын кæныны тыххæй, хъусын кæны Хуссар Ирыстоны МХМ пресс-службæ.
Нысангонд æрцыд, нæлгоймаг кæй зайын кодта гæны 15 къутæры, наркотикон буарадимæ зайæгойтæ райстой æмæ сæ арвыстой МХМ экспертон-криминалистон центрмæ.
"Нæлгоймаджы æрцахстой æмæ йæ бакодтой рæстæгмæдарæн камерæмæ", - банысан кодтой министрады.
Афтæ ма милицийы кусджытæ сбæрæг кодтой, нæйлгоймаг кæй пайда кодта гæнæй.