ЦХИНВАЛ, 3 окт – Sputnik. Уӕрӕсе ӕмӕ Хуссар Ирыстоны ахастытӕ схызтысты бӕрзонд ӕмвӕзадмӕ алы къабазы дӕр, фехъусын кодта республикӕйы президент Гаглойты Алан Уӕрӕсейы Фӕсарӕйнаг хъуыддӕгты министрады (ФХМ) сӕргълӕууӕг Сергей Лавровимӕ фембӕлды рӕстӕджы.
Фембӕлд ацыд Сочийы. Уый размӕ хуссарирыстойнаг президенты пресс-секретарь фехъусын кодта, боны фӕткы кӕй сты ахсджиаг ӕхсӕнпаддзахадон фарстытӕ.
"Фӕстаг 15 азы дӕргъы хуссарирыстойнаг-уӕрӕсейаг ахастытӕ схызтысты ӕмгуыстады бӕрзонд ӕмвӕзадмӕ алы къабазты дӕр. Уӕрӕсейы Федераци у Хуссар Ирыстоны ӕууӕнккаг партнер, регионы сабырдзинад ӕмӕ ӕдасдзинады гарант", - бахахх кодта паддзахады сӕргълӕууӕг.
Президент бахахх кодта, зӕгъгӕ, Уӕрӕсе, куыд бӕрнон партнер, ӕххӕст кӕны дывӕрсон документты фӕлгӕтты райсгӕ бӕрндзинад ӕмархайды алы фадыджы дӕр. Гаглойты Аланг бафтыдта, уыимӕ иумӕ фарсытӕ кӕй хуыздӕр кӕнынц дывӕрсон нормативон базӕ.