ЦХИНВАЛ, 3 окт - Sputnik. Экономикон фыдракæндты ныхмæ фæткдаруаты кусджытæ ссардтой энергетикон нозт "Flash Energy" Цхинвалы дыууæ хæлцадон дуканийы, хъусын кæны Мидхъуыддæгты министрады (МХМ) пресс-службæ.
Барадхъахъхъæнæг уагдоны банысан кодтой, басгæрсты фæстæ фæткхалджыты фæдыл æрмæджытæ барвитдзысты тæрхондонмæ.
Хуссар Ирыстоны энергетикон нозты реализацийыл тобæ архайы 2012 азæй. Фæткхалджыты закъонмæ гæсгæ бафхæрдзысты – ивар административон фæткхалды предметты конфискациимæ.