ЦХИНВАЛ, 4 окт – Sputnik, Козаты Диана. Хуссар Ирыстоны Уæлвæткон уавæрты министрады (УУМ) минæвæртты фæхуыдтой XV Æхсæнадæмон салон "Комплексон æдасдзинад"-мæ.
Салоны организатор, кæцы ацæудзæн Мæскуыйы областы 29-æм майæ фыццæгæм июньмæ, у Уæрæсейы УУМ.
"Фидæн аз майы хонæм равдыст "Комплексон æдасдзинад"-мæ. Хонæм нæ коллегæты хайад райсын ГДЗС къæпхæнты ерысты – уый уыдзæн профессионалон дæсныйады гран-при", - загъта Уæрæсейы УУМ министры хæдивæг Илья Денисов Хуссар Ирыстоны хицауады сæрдар Джуссойты Константинимæ фембæлды рæстæджы.
Денисов банысан кодта, æввахс рæстæджы хуссарирыстойнаг коллегæтæн кæй æрбарвитдзысты мадзалы фæдыл уагæвæрд – лæмбынæгдæр информаци фадат ратдзæн аскъуыддзаг кæнын цæттæ у командæ ерыстæм æви нæ.
Афтæ ма Джуссойты Константин радта бæрзонд хорзæх – Хæларады орден – Уæрæсейы УУМ министры хæдивæг Илья Денисовæн, Уæрæсейы УУМ ахуырадон æмæ зонадон техникон архайды департаменты директор Александр Бондарæн, Уæрæсейы УУМ сæйраг фæткдаруаты хистæр Владимир Кийæн, Уæрæсейы УУМ зынгфæдисон хъахъхъæнынады сæйраг фæткдаруаты хистæр Валентин Нелюбовæн. Бæрзонд хорзæхтæ райстой æндæр уазджытæ дæр.
Премьер-министр Джуссойты Константин радта бæрзонд хорзæхтæ Уæрæсейы УУМ минæвæрттæн
© Photo : Пресс-служба МЧС РЮО