ЦХИНВАЛ, 4 окт - Sputnik. Бæрæгбонон æмбырд æмæ равдысттæй Цхинвалы банысан кæндзысты Хуссар Ирыстоны Уæлвæткон уавæрты министрады (УУМ) сæвзæрды 15 азы юбилей, хъусын кæны уагдоны пресс-службæ.
УУМ æртыццæджы нысан кæны юбилей – уагдоны сæвзæрды 15-æм афæдзы бон. Министрад арæзт æрцыд 2008 азы 4 октябры – Гуырдзыстоны агрессийæ цалдæр мæйы фæстæ. Уыцы уæззау рæстæг республикæйæн равдыста, æнæмæнг кæй у саразын хицæн уагдон, кæцы скъуыддзаг кæндзæн хæслæвæрдтæ граждайнаг хъахъхъæнынады фæдыл æмæ хъахъхъæндзæн цæрджыты æмæ республикæйы территори уæлвæткон цаутæ æмæ зынгсирвæзттæй.
Цхинвалы юбилейы цытæн ацæудзысты алыхуызон мадзæлттæ: равдысттæ Хуссар Ирыстоны паддзахадон университеты базæйыл, афтæ ма ацæудзæн бæрæгбонон æмбырд, кæцыйы рæстæджы хатдзæгтæ скæндзысты министрады архайдæн 15 азмæ æмæ снысан кæндзысты къахдзæфтæ структурæ фæхуыздæр кæнынæн, радзырдтой уагдоны.
Бæрæгбонон мадзæлттæм æнхъæлмæ кæсынц уазджытæм хæларадон бæстæтæй æмæ Уæрæсейы алыхуызон регионтæй