ЦХИНВАЛ, 11 окт - Sputnik, Козаты Диана. Хуссар Ирыстоны афæндараст кодтой йе ᾿нусон бынатмæ бархион Гæбæраты Сосланы, кæцы фæмард сæрмагонд æфсæддон операцийы Украинæйы.
Хъайтарæн хæрзбон зæгъынмæ æрбацыдысты республикæйы къухдариуæгад президент Гаглойты Аланы сæргълæудæй, зианы хæстæджытæ æмæ хæлæрттæ.
Президенты барамындæй Гæбæраты Сосланы схорзæхджын кодтой майдан "Фыдыбæстæйы хъахъхъæнæг"-æй мæлæты фæстæ.
Бархионыл цыдис 27 азы, баззад ын æртæаздзыд лæппу. Тагъд рæстæджы йын хъуамæ райгуырдаид ноджы иу сывæллон.