ЦХИНВАЛ, 16 окт - Sputnik. Хуссар Ирыстоны Хъалонтӕ ӕмӕ фиддонты комитетӕн ис иттӕг ахсджиаг мисси бӕстӕйы бюджет фылдӕр кӕныны фӕдыл, фехъусын кодта Гаглойты Алан йӕ арфӕйы ныхасы хъалонон органты кусджытӕ ӕмӕ ветерантӕн.
"Уӕ куысты гъӕд ӕмӕ фӕстиуджытимӕ баст у экономикӕйы райрӕзт, проектты реализаци социалон къабазы. Сымах фӕрцы азӕй азмӕ фылдӕр кӕны Республикӕ Хуссар Ирыстоны инвестицион зӕрдӕмӕдзӕугӕдзинад", - банысан кодта паддзахады сӕргълӕууӕг.
Президент бузныг загъта хъалонты комитеты кусджытӕн сӕ иузӕрдыгдзинады тыххӕй куыстмӕ.