ЦХИНВАЛ, 17 окт – Sputnik, Дзæгъиаты Олег. Ирыстоны авд минæвары хайад райсдзысты дунейы чемпионаты уæгъдибар хъæбысхæстæй Тиранайы (Албани).
Уæрæсейы командæйы сконды хайад райсдзысты Уæрæсейы чемпионтæ Багаты Арслан (86 кг) æмæ Козырты Сергей (97 кг), афтæ ма уæрæсейаг фыццагады бронзæйон призер Багаты Алан (92 кг). Уымæй дарддæр Кæсæбиты Алина (62 кг) æмæ Танделаты Амина (65 кг) стох кæндзысты дунейы чемпионаты майдантыл сылгоймæгты ерысты.
Хуссар Ирыстонæй рацæугæ Джиоты Арсений ралæудзæн Азербайджаны номæй 86 кг уæзы категорийы, æмæ Хосонты Азæмæт та хъахъхъæндзæн Грецийы кад 125 кг уæзы категорийы.
Уæгъдибар хъæбысхæстæй дунейы чемпионат 23 азы кары онг спортсменты æхсæн уагъд цæудзæн Тиранайы 23-29 октябры. Ерысты хайад райсдзысты 587 хъæбысæйхæцæджы 58 бæстæйæ. Спортсментæ Уæрæсе æмæ Белорусийæ хайад райсдзысты турниры нейтралон тырысайы бын.