ЦИНВАЛ, 17 окт - Sputnik. Хуссар Ирыстоны Гарзджын тыхты райдыдта ахуыры сæрдыгон периоды хатдзæгон басгæрст, хъусын кæны дыццæджы республикæйы Хъахъхъæнынады министрады пресс-службæ.
Басгæрст райдыдта рæнхъон фæлгастæй, кæцы ауагъта РХИ Гарзджын тыхты Генштабы хистæр Болататы Алан.
"Рæнхъон фæлгаст ауагътой Гарзджын тыхты уагæвæрдмæ гæсгæ. Басгæрстам æфсæддонты ифтонгкæнынад дзауматæй, афтæ ма индивидуалон æмæ сæрмагонд фæрæзтæй", - банысан кодтой министрады.
Рæнхъон фæлгасты рæстæджы ма басгæрстой гоймагдзинад бæлвырдгæнæн документтæ, рæнхъон фыстæджытæ, штатон-бынатон хыгъды документтæ, штатон хæцæнгарзы уавæр. Хъахъхъæнынады министрады бахахх кодтой, рабæрæггонд фиппаинæгтæ аиуварс кæндзысты дырыс æмгъуыдмæ.