ЦХИНВАЛ, 19 окт – Sputnik, Дзæгъиаты Олег. Паддзахадон унитарон куыстуат "Энергоресурс-Хуссар Ирыстон" сарæзта сæрмагонд службæ, кæцы бæрæг кæндзæн газы ифтонгады æмбæлон æвæрд æмæ куыст Хуссар Ирыстоны. Уый тыххæй пресс-конференцийы рæстæджы радзырдта куыстуаты сæргълæууæг Къæбысты Ацæмæз.
"Газы ифтонгады бæрæггæнæг бригадæ райдыдта йæ куыст. Мах бабæрæг кодтам 181 хæдзары æмæ рахастам фондз барфысты. Фæнды нæ, цæмæй нæ республикæйы цæрджытæ æмбаргæ ахаст дарой, уымæн æмæ раздæры азты фæлтæрдтæ бамбарын кодтой, ацы куыстытæ æнæмæнгхъæуæг кæй сты", - бахахх кодта уый.
"Энергоресурс"-ы сæргълæууæг ныфс радта, газимæ баст куыстытæ кæй уыдзысты бæрзонд æмвæзадыл, республикæйы фæстаг азты арæх æрцæугæ газ ахъуыззынимæ трагедитæ ма ᾿руадзыны тыххæй.
Къæбысты Ацæмæз радта рекомендаци республикæйы цæрджытæн сæвæрын газы анализатортæ, афтæ ма электрохызæгтæ рахицæн кæнынæн хъахъхъæнæн ифтонгад.