ЦХИНВАЛ, 20 окт - Sputnik. Республикæйы сæргълæууæг Сергей Меняйло снысан кодта Цæгат Ирыстоны культурæйы министрæй театр æмæ кинойы актер Фидарты Сосланы.
"Республикæ Цæгат Ирыстон-Аланийы Конституцийы 83-æм статьяйы 1 хаймæ гæсгæ рахастон уынаффæ: Снысан кæнын Фидарты Сослан Тотразы фырты Республикæ Цæгат Ирыстон-Аланийы культурæйы министрæй 2023 азы 20 октябры", - дзырдæуы барамынды, кæцы мыхуыргонд æрцыд республикæйы сæргълæууæг æмæ хицауады сайтыл.
Уый размæ РЦИ-Аланийы культурæйы министры бынатæй ссæрибар кодтой Галазты Эдуарды йæхи фæндонмæ гæсгæ.
Фидарты Сослан у Цæгат Ирыстоны сгуыхт артист. Уый райгуырд 1980 азы Дæргъæвсы хъæуы, скъолайы фæстæ ахуыр кодта Хетæгкаты Късотайы номыл Цæгат Ирыстоны паддзахадон университеты аивæдты факультеты, каст фæцис Щкины номыл Мæскуыйы университет.