ЦХИНВАЛ, 23 окт – Sputnik. Цӕгат Ирыстоны сӕргълӕууӕг Сергей Меняйло йӕ барамындӕй снысан кодта Платы Альбинайы вице-премьерӕй социалон фарстыты фӕдыл. Уый тыххӕй хъусын кӕны регионы сӕргълӕууӕг ӕмӕ хицауады пресс-службӕ.
"Платы Альбина уыд куыстбынӕтты фӕдыл республикон комитеты сӕрдар", - дзырдӕуы хъусинаджы.
Платы Альбина ацы бынаты раивта Тугъанты Ларисайы, кӕцы ацыд отставкӕйы йӕхи фӕндонмӕ гӕсгӕ.