ЦХИНВАЛ, 27 окт – Sputnik. Хуссар Ирыстоны спорты Галуан "Олимп"-ы ӕвзонг спортсменкӕтӕ хайад райсдзысты ерысты аивадон гимнастикӕйӕ Дзӕуджыхъӕуы, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.
"Тренеры бонӕн нывонд ерыстӕ уагъд цӕудзысты 28-ӕй 29-ӕм октябрмӕ", - дзырдӕуы пресс-службӕйы хъусинаджы.
Спортсменкӕты ерыстӕм бацӕттӕ кодтой тренертӕ – Цхуырбаты Зема, Зӕгъойты Зӕринӕ, Бестауты Зӕринӕ ӕмӕ Тедеты Зӕринӕ.