ЦХИНВАЛ, 27 окт - Sputnik. Хуссар Ирыстоны Уæлвæткон уавæрты министрады (УУМ) сапертæ ссардтой æмæ скуынæг кодтой залпон æхсты реактивон системæ "Ураган"-ы ракетæйы хай. Фрагмент ссардæуыд Цхинвалы цæгатварс микрорайон "Мæскуыйаг"-ы, хъусын кæны майрæмбоны уагдоны пресс-службæ.
"Саперты иртæстыты рæстæджы бæрæггонд æрцыд, гарз кæй у залпон æхсты реактивон системæ "Ураган"-ы ракетæйы хай, кæцыйы мидæг нæй срæмыгъдон буарад æмæ у æдас", - банысан кодтой министрады.
Хæстæрмæджы корпус утилизацигонд æрцыд, бафтыдтой уагдоны.