ЦХИНВАЛ, 1 ноя – Sputnik. Мæскуыйы æртыццæджы райдыдта фæсарæйнаг æмбæстæгты Æппæтдунеон уæрæсейаг конференци, хайад дзы исынц хуссарирыстойнаг организаци "Россы"-йы минæвæрттæ – уæрæсейаг æмбæстæгты координацион советы (УÆКС) сæрдары хæдивæг Хъотайты Светлана æмæ УÆКС минæвар Анжелика Буковская.
Конференци бакодта Уæрæсейы ФХМ сæргълæууæг Сергей Лавров, йæ темæ "Укрепление традиционных духовно-нравственных ценностей – залог единства российских соотечественников".
Мадзал арæзт æрцыд æмбæстæгты хъуыддæгты фæдыл Хицауадон къамисæй Мæскуыйы хицауады æмæ Мæскуыйы патриархаты Аргъуаны бастдзинæдты фадыджы æххуысæй.