ЦХИНВАЛ, 20 ноя – Sputnik. Транскавказаг автомагистралы уары мит, фӕлӕ трассӕ кусы хуымӕтӕг режимы, фехъусын кодтой Хуссар Ирыстоны Уӕлвӕткон уавӕрты (УУМ) министрады.
Ивгъуыд къуырийы кӕрон республикӕйы боныгъӕд февзӕрдӕр ис – столицӕ ӕмӕ йӕ алфӕмбылай уары къӕвда, Транскамы та мит.
"Транскам у гом, трассӕйыл уары хуылыдз мит, фӕлӕ уый нӕ бандӕвта фӕндаджы куыстыл. Транспорты змӕлдыл арӕнӕвӕрдтӕ нӕй", - загътой уагдоны.
Министрад уый размӕ ӕрсидт шофыртӕм, цӕмӕй уой арӕхстджындӕр ӕмӕ раивой сӕ хӕдтулгӕты цӕлхытӕ зымӕгонтӕм.