ЦХИНВАЛ, 28 ноя – Sputnik. Ирон спортсменкæ Танделаты Амина рамбылдта бронзæйон майдан æхсæнадæмон турнир Гран-прийы сылгоймæгты хъæбысхæстæй олимпиаг хъæзтыты æртæ хатты чемпион Александр Медведы призтыл.
Танделаты Амина бацахста æртыккаг бынат 62 килограммы уæзы категорийы.
Танделаты Амина у Уæрæсейы чемпионаты æвзист призер 2022 азы. Ацы аз уый рамбылдта æвзист майдан дунейы чемпионаты 23 азы кары онг Тиранайы (Албани).