ЦХИНВАЛ, 29 ноя - Sputnik. Хуссар Ирыстоны иунæг уæлдæр ахуыргæнæндоны студентты схорзæхджын кодтой стипендитæй.
Фонд "МИР-МОСТ-ОСЕТИЯ" æрфидар кодта 10 номарæн стипендийы ХИПУ алыхуызон факультетты студенттæн.
Стипендитæ радта фæлгастон совет "МИР-МОСТ-ОСЕТИЯ"-йы минæвар, Хуссар Ирыстоны Фонды директор Тадтаты Таймураз.
Мадзалы уыдысты фæлгастон совет "МИР-МОСТ-ОСЕТИЯ" минæвар Андрей Сергеев, Цхинвалы Уырыссаг хæдзары къухдариуæггæнæг Сергей Комиссаров, ХИПУ ректор Тедеты Вадим, афтæ ма уæлдæр ахуыргæндоны профессортæ æмæ ахуыргæнджытæ.