ЦХИНВАЛ, 29 ноя - Sputnik. Фæззыгон æрсидты ног æфсæддонтæ сæххæст кодтой æфсæддон полигоны æхстытæ æмæ хæстон лыгъд, хъусын кæны æртыццæджы Хуссар Ирыстоны Хъахъхъæнынады министрады пресс-службæ.
Практикон ахуыртæ ногæрсидтонтæн уадзынц хæстон цæттæдзинады фадыджы æмæ сæрмагонд нысаниуæджы батальоны офицертæ, афтæ ма ахуырадон центры инструктортæ.
"Ацы этапы æфсæддонтæ сæххæст кодтой нысæнттæм æхстытæ штатон хæцæнгарзæй хæстон быдыры, сæххæст кодтой хæстон лыгъд, азимуттыл змæлд, афтæ ма сæххæст кодтой нывæстмæ гæсгæ æндæр нормативтæ", - радзырдтой Хъахъхъæнынады министрады.
Уымæй дарддæр ма ногæрсиддтонты базонгæ кодтой æфсæдон топографиимæ, сахуыр кодтой хæстон лагерь сæвæрын æмæ сифтонг кæнын хуымæтæг æрмæгæй. Бон раздæр æрсидтонтæ рахызтысты ныхдуртимæ фæндаг, сахуыр кодтой практикон зонныдзинæдтæ тактикон, инженерон, хæстон-медицинон цæттæдзинадæй.
Куыд банысан кодтой Хъахъхъæнынады министрады, афтæмæй офицертæ бахахх кодтой республикæйы æвзонг хъахъхъæнжыты бæрзонд æмвæзад, дисциплинæ, хæстон професситæм æвзыгъддзинад.