ЦХИНВАЛ, 4 дек – Sputnik, Дзæгъиаты Олег. Хуссар Ирыстоны хицауад æрфидар кодта паддзахдон гимн æххæст кæныны стандарт республикæйы уагдæтты. Ацы уынаффæ æрцыд ист къуырисæры Кабмины рабадты.
"Хуссар Ирыстоны гимны тыххæй" закъонмæ ивындзинæдты фæдыл ралæууыд докладимæ хицауады минæвæртты раз Ахуырад æмæ зонады министр Лолаты Аслан. Уый банысан кодта, æрвыл къуыри гимн æххæст кæнын ахъаз фæуыдзæн Хуссар Ирыстоны скъолаты республикæйы рæзгæ фæлтæры патриотикон хъомыладæн.
Кабмин æмхъæлæсæй сразы сты закъонмæ ивындзинадимæ.