ЦХИНВАЛ, 5 дек — Sputnik. Гæзданты авд æфсымæры истори "Авд цухъхъайы" ног аз бавдисдзысты Тæбæхсауты Балойы номыл Ирон драмон театры сценæйыл. Сфæлдыстадон коллектив ныридæгæн кусы трагедийыл, фехъусын кодта Sputnik Цæгат Ирыстоны Ирон театры аивадон разамонæг Уалыты Гиви.
Йæ ныхæстæм гæсгæ, спектакль æвæрд цæуы ирон фыссæг, Гæзданты æфсымæрты æмхъæуккаг Кокойты Тотрадзы пьесæмæ гæсгæ.
"Ирон театр хъуамæ дзура йæ хъайтартыл, уыдон сты тынг бирæ. Хъæуы райдайын Гæзданты æфсымæртæй, уыдон ныууагътой егъау фæд Стыр Фыдыбæстæйон хæсты историйы. Ацы бинонтæ махæн сты намыс, хъайтардзинад æмæ хъæбатырдзинады цæвиттон", - загъта Уалыты Гиви.
Режиссеры ныхæстæм гæсгæ, Стыр Фыдыбæстæйон хæсты хъайтарты темæ адарддæр кæндзысты Плиты Иссæйы тыххæй спектаклæй.
Уалыты Гиви банысан кодта, "Авд цухъхъайы" нывæндынц бавдисын 2024 азы майы.