ЦХИНВАЛ, 6 дек – Sputnik. Цхинвалы тæрхондон рахаста скъуыддзаг, цæмæй ликвидаци скæной хæрзаудæн фонд "Вместе" æмæ спортивон æхсæнадон иугонд "Динамо". Уый тыххæй хъусын кæны юстицийы министрады пресс-службæ.
Законмæ гæсгæ, скъуыддзаг бацæудзæн йæ тыхы 10 боны фæстæ.
Ацы азы дæргъы ныридæгæн ликвидаци æрцыдысты 17 æндæр æнæкоммерцион организацийы, сæйраг аххосаг уыд фæстаг æртæ азы дæргъы сæ архайды фæдыл æнæмæнгхъæугæ документацийы цухдзинад. Уый у законы фехæлд æнæкоммерцион организациты фæдыл æмæ сын уый тыххæй æруромынц сæ архайд, афтæ ма сæ рацух кæнынц юридикон гоймæгты паддзахадон реестрæй, банысан кодтой юстицийы министрад.