ЦХИНВАЛ, 11 дек – Sputnik. Советон Цӕдисы Хъайтар Хъоцыты Константины номыл Цхинвайлаг дыккӕгӕм скъолайы коллектив ссис III Ӕхсӕнадӕмон конкурс "Лучшая русская школа за рубежом"-ы дипломант. Сгуыхт хорзӕх бӕрӕгбонон церемонийы рӕстӕджы Мӕскуыйы райста директор Ольга Михайлиди, хъусын кӕны Уырыссаг хӕдзары пресс-службӕ Цхинвалы.
Проект "Подвиг и слава в памяти и сердцах поколений" банымадтой иууыл перспективондӕртӕй иуыл конкурсы сӕрмагонд номинацийы, цы ран хайад истой 800 хъомылгӕнӕджы 54 бӕстӕйӕ.
"Мадзалы фӕстӕ Хуссар Ирыстоны скъолайы минӕвӕрттӕ Ольга Михайлиди ӕмӕ Наталия Вшивцева ссисты ахуырадон программӕйы хайадисджытӕ центр "Машук"-ы (горӕт Пятигорск)", цы ран байхъуыстой лекцитӕм ӕмӕ хайад райстой тренингты", - дзырдӕуы хъусинаджы.
Форумы организатор уыд Уырыссаг скъолаты ассоциаци фӕсарӕнты УФ рухстауыны министрад ӕмӕ Россотрудничествойы ӕмархайдӕй.