ЦХИНВАЛ, 22 дек – Sputnik. Хуссар Ирыстоны сæйраг горæты иунæг киноконцертон зал райдайдзæн ногæй йæ куыст. Уымæгн ахъаз фæцис ног проектор кæй фæзынд, уагдонадæн æй балæвар кодтой "Остелеком" æмæ Цхинвалы цæрæг Кадзты Казимир, фехъусын кодтой компанийы пресс-службæйы.
"Нырыкон уавæрты æнцон нæу сæрмагонд фæсарæйнаг ифтонгад балхæнын уымæн æмæ зынаргъ у ласæггаг. Мах райгонд стæм ахæм цыбыр æмгъуыдмæ нын кæй бантыст балхæнын проектор, уый фæрцы "Чермен" республикæйы цæрджытæн, уæлдайдæр иууыл æвзонг кæсджытæн, кинонывты равдыстæй циндзинад хæсдзæн", - æрхаста "Остелеком"-ы пресс-службæ компанийы ныхæстæ.
Хæрзаудæн мадзалы фæлгæтты компани "Остелеком" хоны сывæллæтты æмæ кæй фæнды уыдоны дæр ногазон равдыстмæ 28 декабры изæры фондз сахатыл. Равдыст уыдзæн æнæаргъ, билеттæ райсæн ис 22 декабрæй кинотеатры кассæйы.