ЦХИНВАЛ, 26 дек - Sputnik. Хусар Ирыстоны тобæгонд энергетиктæ æмæ æнæ лицензийæ нозт уыдысты истгонд экономикон фыдракæндтимæ тохгæнæг фадыджы кусджытæй республикæйы сæйраг горæты дыууæ дуканийы, хъусын кæны уагдоны пресс-службæ.
"Оперативон-агуырдон мадзæлтты рæстæджы хæлцадон дуканитæй иуы ссардæуыд æнæ паддзахадон регистрацийæ амалиуæгадон архайд. Басгæрсты фæстиуæгæн ссардæуыд алкоголон нозт. Афтæ ма МХМ кусджытæ æндæр дуканийы ссардтой энергетикон нозт", - загътой уагдоны.
Закъонхалджытыл сарæзтой административон протоколтæ, æрмæджытæ æрвыст æрцæудзысты тæрхондонмæ.