ЦХИНВАЛ, 28 дек – Sputnik, Козаты Диана. Хуссар Ирыстоны нывӕндынц сцырын кӕнын ӕнӕпилотон тӕхӕг аппаратты рауагъдад, фехъусын кодта президент Гаглойты Алан йӕ хатдзӕгон пресс-конференцийы рӕстӕджы.
Паддзахады сӕргълӕууӕг банысан кодта, ацы фарсты фӕдыл ныридӕгӕн куыст кӕй цӕуы, республикӕ арвыста ӕмбӕстӕгты цалдӕр къорды ӕнӕпилотон тӕхӕг аппаратты куыст ӕмӕ арӕзтад сахуыр кӕнынмӕ.
"Дзырд цӕуы ӕнӕпилотон тӕхӕг аппаратты рауагъдадыл Хуссар ирыстоны территорийыл. Ис нӕм программӕ, кӕцымӕ ӕрбаздахтой ӕнӕбюджетон фӕрӕзтӕ дӕр", - радзырдта президент.
Йӕ ныхӕстӕм гӕсгӕ, ныридӕгӕн радтой фӕдзӕхст, цӕмӕй ссарой бӕстыхай ӕмӕ саразой куыстӕн уавӕртӕ.