ЦХИНВАЛ, 27 дек – Sputnik, Дзæгъиаты Олег. Хуссар Ирыстоны Паддзахадон университеты æртыццæджы изæры ацыд "Новогодний огонек", кæцыйы рæстæджы Хуссар Ирыстоны президент Гаглойты Алан радта сæрмагонд стипендитæ ахуыргæнæндоны хуыздæр студенттæн.
Президентон стипендитæ райстой 14 адæймаджы.
"Сымах стут Хуссар Ирыстоны сомбон. Мæ зæрдæ уын зæгъы, цæмæй Ног азы уæ цард ива æрмæстдæр хорзырдæм", - бахахх кодта Гаглойты Алан.
Стипендитæ раттыны церемонийы фæстæ мадзал адарддæр ис концертон программæйæ.