ЦХИНВАЛ, 29 дек – Sputnik. Цӕгат Ирыстоны ногазон бӕрӕгбонты период кусдзӕн коммуналон ӕмӕ энергетикон службӕты куыстмӕ хъусдарды фӕдыл оперативон штаб, фехъусын кодта регионы сӕргълӕууӕг Сергей Меняйло йӕ Telegram-каналы.
"Цӕгат Ирыстоны ногазон бӕрӕгбонты рӕстӕджы кусдзӕн сӕрмагонд оперативон штаб, кӕцыйы нысаниуӕг у ифтонг кӕнын коммуналон ӕмӕ энергетикон службӕты стабилон куыст. Регионы Цӕрӕнуатон-коммуналон службӕты ракодтой фӕтыхджындӕргонд режиммӕ", - фехъусын кодта Меняйло.
Цӕгат Ирыстоны сӕргълӕууӕг бахахх кодта, оперштаб кӕй координаци кӕндзӕн муниципалитеттӕ ӕмӕ фӕндагон службӕты куыст дӕр.