ЦХИНВАЛ, 8 янв – Sputnik. Цӕгат Ирыстоны 40 ӕвзонг специалисты фарон аз паддзахадон программӕйы фӕлгӕтты райстой фйн милуан сомы цӕрӕнуатон уавӕртӕ фӕхуыздӕр кӕныны нысанӕн, фехъусын кодта Сергей Меняйло йӕ Телеграмм-каналы.
"Ацы суммӕйӕ уыдон бафыстой фыццаг фиддон ипотекӕйӕн. Ӕппӕт ӕвзонг адӕм – республикон программӕ "Республикӕ Цӕгат Ирыстон – Аланийы ӕмбӕстӕгты цӕрӕнуатӕй сифтонг кӕнын"-ы хайадисджытӕ", - банысан кодта республикӕйы сӕргълӕууӕг.
Сергей Меняйло банысан кодта, программӕйы хайадисджытӕ суӕвыны фадат ис ахуырад, ӕнӕниздзинад хъахъхъӕнынад ӕмӕ культурӕйы къабазы кусджытӕн 40 азы кары онг.
Республикӕйы разамонӕджы ныхӕстӕм гӕсгӕ, 2021 азӕй паддзахадон ӕххуысы фӕрцы сӕ цӕрӕнуатон уавӕртӕ фӕхуыздӕр кодтой 110 адӕймаджы.