ЦХИНВАЛ, 8 янв - Sputnik. Цæгат Ирыстоны Мæздæджы районы хуыцаубоны изæры æрцыд фæндагон-транспортон цау (ФТЦ).
Цау æрцыд Мæздæг – Прохладный афтофæндагыл, цы ран сæмбæлдысты "ВАЗ-2114" æмæ "Лада Приора". Цæгат Ирыстоны УУМ пресс-службæйы бæрæггæнæнтæм гæсгæ, ФТЦ фæстиуæгæн цæфтæ райста "Лада Приора"-йы пассажир.
Развæлгъау бæрæггæнæнтæм гæсгæ, авари æрцыд хæдтулгæты æхсæн дистанци ма æххæст кæныны тыххæй. Цæфы рæстæджы дыууæ хæдтулгæ дæр райстой зынгæ зиан.
Зианбаййафæджы бакодтой рынчындонмæ.