ЦХИНВАЛ, 12 янв — Sputnik, Тъехты Дзерассӕ. Цӕгат Ирыстоны майрӕмбоны кад кодтой республикӕйы сӕргълӕууӕджы премийы лауреаттӕн иууыл хуыздӕр журналистон куысты тыххӕй.
Конкурсмӕ бавдыстой 155 куысты, уыдонӕй равзӕрстой 17 хуыздӕры. Сӕ автортӕ райстой хорзӕхтӕ республикӕйы разамонӕг Сергей Меняйлойӕ.
Хуссар Иры журналисттӕ ссисты РЦИ-Аланийы сӕргълӕууӕджы премийы лауреаттӕ
© Sputnik / Дзерасса Техова
"Сымах информаци дӕттут нӕ царды алы къабазы тыххӕй дӕр. Сымах стут республикӕйы алы здӕхты дӕр размӕ кӕныны инструмент", - загъта Меняйло.
Уӕлахиздзауты ӕхсӕн ис дыууӕ журналисты Хуссар Ирыстонӕй. Номинаци "Иудзинад"-ы преми радтой РХИ журналистты Цӕдисы сӕргълӕууӕг Харебаты Батрадзӕн ӕмӕ ПТРК "Ир" программӕты автор Санахъоты Маринайӕн.
Хуссар Иры журналисттӕ ссисты РЦИ-Аланийы сӕргълӕууӕджы премийы лауреаттӕ
© Sputnik / Дзерасса Техова