Козаты Нарим æрдзырдта никарагуайаг политиктимæ дыууæварсон æмгуыстады райрæзтыл

Sputnik
ЦХИНВАЛ, 16 янв – Sputnik. Республикæ Хуссар Ирыстоны минæвар Республикæ Никарагуайы Козаты Нарим æрдзырдта никарагуайаг политиктимæ дыууæварсон æмгуыстады райрæзтыл, хъусын кæны Хуссар Ирыстоны Фæсарæйнаг хъуыддæгты министрады (ФХМ) пресс-службæ.
"Балцы фæлгæтты ацыд къорд фембæлды, сæ нымæцы Республикæ Никарагуайы фæсарæйнаг хъуыддæгты министр Денис Монкадаимæ, афтæ ма Республикæ Никарагуайы президенты уынаффæгæнæгимæ инвестицитæ, базарад æмæ æхсæнадæмон æмгуыстады фæдыл Лауреано Ортега Мурильоимæ", - дзырдæуы хъусинаджы.
Фембæлдты рæстæджы дзырд цыд хуссарирыстойнаг-никарагуайаг æмгуыстады дарддæры райрæзтыл.