ЦХИНВАЛ, 19 янв – Sputnik. Ленингоры районы мидхъуыддӕгты хайады кусджытӕ раргом кодтой Икъоты хъӕуы скъолайӕ хъармгӕнӕн котелы адавд, фехъусын кодта Хуссар Ирыстоны Мидхъуыддӕгты министрады (МХМ) пресс-службӕ.
Уагдоны куыд банысан кодтой, афтӕмӕй Ленингоры районы мидхъуыддӕгты фӕткдаруаты радгӕсон хайадмӕ ӕрбадзырдтой ахуырады дӕлхайадӕй ӕмӕ фехъусын кодтой, Икъоты скъолайӕ кӕй фесӕфт зӕронд хӕлд хъармгӕнӕн котел.
"Оперативон-сгарӕн мадзӕлтты рӕстӕджы районы милицийы кусджытӕ ссардтой котел Раздӕхӕны хъӕуы металлолом исыны пункты", - фехъусын кодтой барадхъахъхъӕнӕг уагдоны.
Министрады информацимӕ гӕсгӕ, зӕрдӕхсайгӕйы ныридӕгӕн ӕрцахстой.