ЦХИНВАЛ, 23 янв – Sputnik. Мæскуыйы киноконцертон зал "Зарядье"-йы ацæудзæн Мариинаг театры Симфонион оркестр æмæ оперон зарæггæнджыты ралæуд, дирижер – маэстро Гергиты Валерий, хъусын кæны РИА Новости.
НЫсангонд æрцыд, столицæйы музыкалон марафон кæй бакæндзæн Джакомо Пуччинийы оперæ "Тоска". Дыккаг бон "Зарядье"-йы айзæлдзысты номдзыд уырыссаг композиторты симфонитæ – Дмитрий Шостаковичы Æвдæм "Ленинградон" симфони æмæ Сергей Прокофьевы Æвдæм симфони.
Кæронбæттæн изæры программæйы ис французаг композитор Морис Ровелы музыкæ. Афтæ ма сæххæст кæндзысты "Дафнис и Хлоя", "Вальс" æмæ "Болеро".