ЦХИНВАЛ, 25 янв — Sputnik, Тъехты Дзерассæ. Цæгат Ирыстоны паддзахадон университеты студенттæ цыппæрæмы банысан кодтой студенты бон. Бæрæгбон ацыд ахуыргæнæндоны кæрты – студенттæн раарфæ кæнынмæ æрбацыдысты республикæйы сæргълæууæг Сергей Меняйло, ахуырад æмæ зонады министр Алибекты Элла.
"Студентон азтæ сты тынг ахсджиаг. Сымах стут нæ республикæ æмæ бæстæйы сомбон. Куыд æй саразат, ахæм уыдзæн. Куы фæхистæрдæр уат, уæд æй бамбардзыстут, студентон азтæ кæй уыдысты иууыл хуыздæр уæ царды", - загъта Меняйло студенттæн.
Университеты ректор Огъуаты Алан банысан кодта, студенты бон кæй у æвзонгдзинад, циндзинад æмæ ирд фидæны бæрæгбон.
Афтæ ма ректор фехъусын кодта, кæй сараздзысты Бинонты стипенди студенттæн, кæцытæ хъмыл кæнынц сабиты.
Скъуыддзаг рахастой, уымæн æмæ 2024 аз Уæрæсейы Президент Владимир Путины барамындæй расидтысты Бинонты аз.
Цæгат Иры паддзахадон университеты банысан кодтой студентты бон
© Дзерасса Техова