Хуссар Иры ацыд онлайн-конференци Ленинграды блокадæ сисыны 80 азы юбилеймæ

ЦХИНВАЛ, 26 янв – Sputnik, Томайты Аманда. Хуссар Ирыстоны Национ музейы майрæмбоны ацыд æхсæнадæмон онлайн конференци, кæцы нывонд уыд Ленинград фашистон блокадæйæ ссæрибар кæныны 80 азы юбилейæн.

Бæрæгбонон баконды фæстæ ацыд пленарон рабадт. Æдæппæт конференцийы хайад райстой 150-мæ æввахс адæмы, сæ нымæцы – историон æмæ æфсæддон-историон музейты Ассоциацийы уæнгтæ, Æхсæнадæмон проект "Уæлахизы территори"-йы хайадисджытæ, профессионалон историон æхсæнады минæвæрттæ.

Хуссар Ирыстоны фарсæй конференцийы хайад истой Россотрудничествойы минæварады сæргълæууæг республикæйы Сергей Комиссаров, РХИ НАцион музейы директор Зассеты Мераб, медиа-центр "Ир"-ы президент Гаглойты Ирина, афтæ ма ХИПУ ахуыргæнджытæ æмæ студенттæ.