ЦХИНВАЛ, 2 фев – Sputnik. Хуссарирыстойнаг делегаци хицауады сӕрдары хӕдивӕг – финансты министр Тадтаты Дзамболаты сӕргълӕудӕй хайад райсдзӕн РХИ хицауад ӕмӕ Хъырымы министрты советы ӕхсӕн базарадон-экономикон, зонадон-техникон ӕмӕ культурон ӕмгуыстады фӕдыл бадзырды реализацийы иумӕйаг кусӕгон къорды фыццаг рабадты.
Рабадт ацӕудзӕн Хъырымы.
Делегацийы сконды сты экономикон райрӕзты министр Хъотайты Сӕрмӕт, ӕнӕниздзинад хъахъхъӕнынады министр Джыгкайты Томас, хъӕууон хӕдзарады министры фыццаг хӕдивӕг Хъӕцмӕзты Джони, паддзахадон мулк ӕмӕ зӕххы ахастыты комитеты сӕрдар Остъаты Зӕринӕ, Цхинвалы администрацийы сӕргълӕууӕг Хуыгаты Ромео, РХИ базарадон минӕвар Таймураз Гогинов, хицауады аппараты протоколы дӕлхайады хистӕр – хуссарирыстойнаг иумӕйаг къорды бӕрнон секретарь Цицерон Хаханов ӕмӕ хицауады сӕрдары ӕххуысгӕнӕг Мӕргъиты Константин.