ЦХИНВАЛ, 2 фев– Sputnik, Томайты Аманда. Хуссар Ирыстоны сывӕллӕтты сфӕлдыстадон Галуаны хъомылгӕнинӕгтӕ хайад исынц XII Ӕхсӕнадӕмон аивадон конкурсы "А.П.Чехов и герои его произведений". Уый тыххӕй Sputnik-ӕн фехъусын кодта Галуаны директоры хӕдивӕг хъомыладон куысты фӕдыл Сиуъкаты Мальвина.
"Ахуырадон къорд "Ӕвзонг нывгӕнӕг"-ы 10 ахуырдзауӕй фылдӕр хайад исынц ӕхсӕнадӕмон конкурсы, кӕцы нывонд у уырыссаг фыссӕг Антон Чеховы цард ӕмӕ сфӕлдыстадӕн. Ацы конкурсмӕ ист цӕуынц ӕрмӕстдӕр куыстыты оригиналтӕ, уый фӕдыл сӕ иууылдӕр арвыстам горӕт Таганрогмӕ", - загъта директоры хӕдивӕг.
Сиукъаты Мальвина бафтыдта, зӕгъгӕ, конкурсы хатдзӕгтӕ бӕрӕг уыдзысты апрелы кӕрӕтты. Равдысты баконд ӕмӕ уӕлахиздзауты хорзӕхкӕныны церемони та ацӕудзӕн 1 июны.