ЦХИНВАЛ, 6 фев - Sputnik, Гӕбӕраты Элина. Хуссар Ирыстон дысон ӕхсӕвы баззад ӕнӕ рухсӕй электрохызӕгты аварийы тыххӕй, столицӕйы электроифтонгад хайгай цалцӕг кӕнынц, фехъусын кодта Sputnik-ӕн Паддзахадон унитарон куыстуат "Энергоресурс"-ы сӕргълӕууӕг Къӕбысты Ацӕмӕз.
Цхинвалы баззад ӕнӕ рухсӕй райсом цыппар сахатыл, уымӕн ӕмӕ тыхдымгӕ ӕмӕ хуылыдз миты фӕстиуӕгӕн ӕрцыд авари электрохызӕгтыл.
Аварийы бынат ныридӕгӕн ссардтой – уый ис Цхинвал ӕмӕ Дзауы ӕхсӕн. Энергоресурсы кусджытӕ агуырдтой аварийы бынат райсом цыппар сахатӕй фӕстӕмӕ.