ЦХИНВАЛ, 8 февр - Sputnik, Гӕбӕраты Элина. Хуссар Ирыстоны интернет-провайдер "Юг-Телеком"-ы техникон службӕ кусы хӕтӕлон интернеты куыст сцалцӕг кӕныныл. Уый тыххӕй Sputnik-ӕн фехъусын кодта компанийы директор Джиоты Эрна.
Йӕ ныхӕстӕм гӕсгӕ, ныртӕккӕ абонентты 80 проценты иу сты интернет-хызӕгмӕ.
"Митуарды фӕстӕ хызӕгтӕ бахъыгдард сты. Ныртӕккӕ уагъд цӕуынц цалцӕггӕнӕн куыстытӕ. Сӕйраг уынгтӕ баиу кодтам хызӕгмӕ. Абон нывӕндӕм баиу кӕнын микрорайонтӕ "Цӕгаттаг" ӕмӕ "Хурзӕрин", афтӕ ма Октябры уынг", - банысан кодта Джиоты Эрна.
Йӕ ныхӕстӕм гӕсгӕ, дыууӕ боны дӕргъы ӕххӕстӕй сцалцӕг кӕндзысты Интернеты куыст.