ЦХИНВАЛ, 19 фев – Sputnik. Хуссар Ирыстоны къуырийы дæргъы регистрацигонд æрцыд иу фыдракæнд. Уыцы период республикæйы фæндæгтыл не ‘рцыд фæндагон-транспортон цаутæ. Уый тыххæй фехъусын кодта республикæйы Мидхъуыддæгты министрады (МХМ) пресс-службæ.
"Республикæйы территорийыл ивгъуыд къуыри регистрацигонгд æрцыд иу фыдракæнд, кæцы раргом кодтой мидхъуыддæгты органтæ. Иу къуыримæ республикæйы фæндæгтыл не ‘рцыд фæндагон-транспортон цаутæ" - банысан кодтой уагдоны.
Мидхъуыддæгты министрады (МХМ) бафытыдтой, зæгъгæ, ивгъуыд къуыри Паддзахадон автоинспекци сбæрæг кодта фæндагон змæлды 315 фæткхалды. Аст шофыры фæдыл сарæзтæуыд административон протоколтæ автотранспорт нозтджынæй скъæрыны тыххæй.