ЦХИНВАЛ, 22 фев - Sputnik. Цхинвалы Джиоты Аланы проспектыл ӕрцыд фӕндагон-транспортон цау (ФТЦ), хъусын кӕны Мидхъуыддӕгты министрады пресс-службӕ.
Jeep Grand Cherokee хӕдтулгӕйы шофыр, Цхинвалы 51-аздзыд цӕрӕг, нозтджынӕй скъӕргӕйӕ сӕмбӕлд йӕ разӕй цӕуӕг Toyota Harrier хӕдтулгӕимӕ. Toyota-йы шофыр, Цхинвалы 28-аздзыд цӕрӕг сылгоймаг, райста буары цӕфтӕ ӕмӕ йӕ бакодтой Республикон бирӕпрофилон медицинон центрмӕ.
Аварийы фӕстиуӕгӕн механикон цӕфтӕ райстой ноджы дыууӕ хӕдтулгӕйы.
Аварийы аххосӕгтӕ бӕрӕг кӕнынц милицийы кусджытӕ.