ЦХИНВАЛ, 26 фев - Sputnik. Уæрæсейы хицауад рахицæн кæндзæн цыппарæй фылдæр миллиард сомы мобилизацигонд æмбæстæгтæ æмæ контрактниктæн æххуысæн, æрвылмæйон компенсаци пенсийы 100 проценты бæрц исдзысты алыгъуызон тыхон структурæты пенсиисджытæ, фехъусын кодта РИА Новости УФ хицауадыл æнцойгæнгæйæ.
"Мобилизацигонд æмбæстæгтæ æмæ контрактникты хицæн категоритæ исдзысты æрвылмæйон компенсаци пенсийы 100 проценты бæрц куысты азты тыххæй. Ацы нысæнттæн цыппар миллиард сомы рахицæн кæныны фæдыл барамынд бафыстæуыд", - дзырдæуы хицауады пресс-службæйы хъусинаджы.
Дзырд цæуы æфсæддонтыл, кæцытæ мобилизацийы размæ уыдысты пенсиисджытæ алыгъуызон тыхон структурæты æмæ истой пенси куысты азты тыххæй.