ЦХИНВАЛ, 4 мар – Sputnik. "Алания" ротæйы хæстонтæ куынæг кæнынц Украинæйы Гарзджын тыхты (УГТ) позицитæ æмæ техникæ Запорожаг областы горæты Ореховы районы.
"Нæ сыхæгтæ мын радæттой знаджы блиндажы координаттæ, æмæ йæ æз æнтыстджынæй скуынæг кодтон", - хъусын кæны РИА Новости бархион "Джамбо"-йы ныхæстæ.
Хæстоны ныхæстæм гæсгæ, ныхмæлæууæг арæх сæвæры йæ техникæ цæрæн хæдзæртты, разысгæрст æмæ ссарыны фæстæ нæ бархионтæ спайда кæнынц дрон-камикадзетæй.
"Ацы тактикæйы руаджы мах дарæм хъусдарды бын уавæр Ореховы здæхтыл", - загъта бархион.
Уый ма бафтыдта, зæгъгæ, бархион къорд "Алания"-йы æнæпилотон тæхæг аппаратты ротæйы хæстонтæ дарддæр кæнынц сæ активон куыст фронтыл, уыдон сæ архайдæй æххæст кæнынц сыхаг уæрæсейаг дæлхайæдты æдасдзинад.