ЦХИНВАЛ, 5 мар - Sputnik. Хуссар Ирыстоны Цхинвалы районы Ирыхъæуы ссардтой æмбæхсæн Калашниковы нæмгуытимæ, хъусын кæны дыццæджы республикæйы Уæлвæткон уавæрты министрады (УУМ) пресс-службæ.
Æмбæхсæны уыдысты Калашниковы автоматы 5,45 мм калибры 40 нæмыджы æмæ 7,62 мм калибры 60 нæмыджы, банысан уагдоны.
Министрады сапертæ райстой хæстæрмæджытæ æмæ сæ ратдзысты МХМ экспертон-криминалистон лабораторимæ, бафтыдтой уагдоны.