ЦХИНВАЛ, 12 мар – Sputnik, Дзæгъиаты Олег. Уæрæсейы президент Владимир Путин у дунейы раздзог политик, йæ сæрмагонд миниуджыты фæрцы бæстæ цæуы дунеон лидеры бынатмæ. Уый тыххæй Уæрæсейы президент Владимир Путины æнцойæн митингы рæстæджы фехъусын кодта Хуссар Ирыстоны паддзахадон университеты (ХИПУ) ректор Тедеты Вадим.
"Æрымысæм уæззау 1990 азтæ, пырх æфсад æмæ экономикæ, ахуыргондтæ цыдысты Уæрæсейæ. Владимир Путин уæрæсейы президент куы ссис, уæд бантыст рахизын ацы уæззау периодæй. Путины къухдариуæгады бын Уæрæсе слæууыд йæ къæхтыл. Ныгуылæны бæстæтæ Америкæйы сæргълæудæй нывæндынц скуынæг кæнын Уæрæсейы, фæлæ Владимир Путины сæрмагонд миниуджыты фæрцы Уæрæсе уæддæр цæуы дунеон лидеры бынатмæ", - банысан кодта ректор.
Тедеты Вадим бахахх кодта, Хуссар Ирыстон тугæй кæй сфидар кодта йе ‘фсымæрдзинад Уæрæсеимæ.
УФ президенты æвзæрстытæ нысан сты 2024 азы 17 мартмæ. Хъæлæскæнынад цæудзæн æртæ боны дæргъы – 15, 16 æмæ 17 марты. Паддзахады сæргълæууæджы бынатмæ кандидаттæ сты – Леонид Слуцкий, Николай Харитонов, Владислав Даванков æмæ Владимир Путин. Хуссар Ирыстоны территорийыл æвзæрстыты рæстæджы бакæндзысты 11 æвзарæн фадыджы.
Митинг в поддержку Владимира Путина
© Sputnik