ЦХИНВАЛ, 16 мар – Sputnik, Томайды Аманда. Цхинвалы æвзарæн фадыгыл №8357 æхсæзæм скъолайы ис стыр активондзинад Уæрæсейы президенты æвзæрстыты рæстæджы. Уый тыххæй Sputnik-æн фехъусын кодта фадыджы сæрдар Алексей Попов.
"Дыккаг бон цæуынц Уæрæсейы Федерацийы президенты æвзæрстытæ. Знон æвзæрстыты алцыдæр уыд хорз организаци, стыр активондзинад уыд Уæрæсейы æмбæстæгтæн, кæцытæ цæрынц республикæйы. Абон дæр бирæ адæм цæуы. Æвзарæн фадыг кусы райсом 8 сахатæй фæстæмæ", - загъта уый.
Ахуырадон уагдоны директор Гæззаты Юрина банысан кодта, фæсивæд сæхæдæг кæй уыдысты мадзалы инициатор, аскъуыддзаг кодта ауадзын Урсы къуырийы бæрæгбон.
УФ президенты æвзæрстытæ нысан сты 2024 азы 17 мартмæ. Хъæлæскæнынад цæудзæн æртæ боны дæргъы – 15, 16 æмæ 17 марты. Паддзахады сæргълæууæджы бынатмæ кандидаттæ сты – Леонид Слуцкий, Николай Харитонов, Владислав Даванков æмæ Владимир Путин.