ЦХИНВАЛ, 17 мар – Sputnik, Томайты Аманда. Цхинвалы фыццæгæм скъоалйы æвзарын фадыгыл №8355 дарддæр цæуынц Уæрæсейы президенты æвзæрстытæ. Уый тыххæй Sputnik-æн фехъусын кодта æвзарæн фадыджы хистæр Александр Крысов.
"Æвзарæн фадыгыл №8355 ивгъуыд бонты, 15 æмæ 16 марты, бирæ адæм цыд хъæлæс кæнынмæ. Абон дæр æвзарджытæ активонæй цæуынц, изæры та ноджы фылдæр адæммæ æнхъæлмæ кæсæм", - загъта уый.
Йæ ныхæстæм гæсгæ, хъæлæскæнынады æртæ бонмæ æвзарджытæ кæй нæ сæххæст кодтой фæткхæлдтæ.
УФ президенты æвзæрстытæ нысан сты 2024 азы 17 мартмæ. Хъæлæскæнынад цæудзæн æртæ боны дæргъы – 15, 16 æмæ 17 марты. Паддзахады сæргълæууæджы бынатмæ кандидаттæ сты – Леонид Слуцкий, Николай Харитонов, Владислав Даванков æмæ Владимир Путин.