ЦХИНВАЛ, 17 мар – Sputnik, Томайты Аманда. Цхинвалы Республикон бирæпрофилон медицинон центры (РБМЦ) бакодтой рацæугæ æвзарæн фадыг. Хъæлæскæнынады фадат радтой пациенттæн, кæцытæ хоскæнынмæ сты медицинон уагдоны.
Æвзарæн къамис æрзылд РБМЦ алы дæлхайадыл дæр, афтæ ма рынчынтыл, кæцытæ бадæттой курыдиæттæ Уæрæсейы президенты æвзæрстыты хайад райсыны фæдыл.
Пациенттæй дарддæр хъæлæскæнынады хайад райстой рынчындоны кусджытæ дæр.
УФ президенты æвзæрстытæ нысан сты 2024 азы 17 мартмæ. Хъæлæскæнынад цæудзæн æртæ боны дæргъы – 15, 16 æмæ 17 марты. Паддзахады сæргълæууæджы бынатмæ кандидаттæ сты – Леонид Слуцкий, Николай Харитонов, Владислав Даванков æмæ Владимир Путин.