ЦХИНВАЛ, 26 мар – Sputnik, Гӕбӕраты Элина. Хуссар Ирыстоны фыццаг хатт ацӕудзысты ерыстӕ тыхон экстримӕй. Уый тыххӕй Sputnik-ӕн фехъусын кодта Хуссар Ирыстоны пауэрлифтинг ӕмӕ тыхон экстримы федерацийы президент Ӕлборты Леван.
Йӕ ныхӕстӕм гӕсгӕ, ерысты фӕлгӕтты хайадисджытӕ тох кӕндзысты алыгъуызон дисциплинӕты, сӕ нымӕцы 10-12 тонны уӕзы хӕдтулгӕйы буксировкӕ.
"Нӕ нысан у сбӕрӕг кӕнын республикӕйы иууыл тыхджындӕр адӕймаджы. Ацы цау уыдзӕн бӕрӕгбон Хуссар Ирыстоны цӕрджытӕн, алкӕцы хайадисӕгӕн дӕр фадат уыдзӕн равдисын йӕ тых, фӕразондзинад ӕмӕ дӕсныйад", - банысан кодта Ӕлборты Леван.
Тыхон экстримы ерыстӕ ацӕудзысты 26 майы горӕты стадионы.
Ӕлборты Леван
© Sputnik / Natalia Airiyan